«The history on the war on Drugo», «Global Commission on Drug Policy» elkarteak zabaldutako bideo bat da. (https://www.youtube.com/watch?v=csnTAz0Sth8). Bertako protagonista Drugo da, drogen metafora den dragoi bat. Bideo honek erakusten du Drogak kudeatzeko orduan arazo larri bat dagoela mundu guztian. Hona hemen bideo horrei buruzko galdera batzuk:
1.Nortzuk bultzatzen dute egitasmo hau? Zer ordezkatzen dute?
Egitasmo hau, esan bezala, «Global Commission on Drug Policy» elkarteak bultzaturikoa da. Komisio hau, mundu guztiko pertsona boteretsuenetako batzuk osatzen dute: ex-presidenteek, politikariek, idazkariek, eta baita egitasmoa zabaldu zenean presidente ziren batzuk ere; Jose Manuel Santos (Colombia), Otto Pérez Molina (Guatemala), Jose Múgica (Uruguai) eta Felipe Calderón, esaterako.
Herrialde garatu eta azpi-garatuetako pertsonai ezagunak hartzen dute parte, bai garatutako herrialde Europearrek (Ingalaterra, Frantzia, Suiza…), adibidez, edota baita azpi-garatutako herrialde direnek ere, adibidez, aurretik aipatutako herrialde Latino-Amerikarrak, Ghana edota Pakistan.
Pertsona hauek mundu guztian drogen aurrean dagoen arazoa ordezkatzen dute, eta honen ekoizpena, trafikoa eta kontsumoaren aurreko legeak aldatzea da hauen helburua.
2.Zeintzuk dira iniziatiba honen aurrekariak?
Iniziatiba honek bost aurrekari izan ditu:
Lehena, 1998an izan zen, UNGASS-en bilera. Bilera honetan oso helburu utopikoak eta zabalak jarri zituen erakundeak, eta ez zen oso errealista izan. Drogetatik libre egongo zen mundu batekin amets egin zuten bilaera honetan. Hurrengo aurrekaria, 2011koa da. Urte honetan, Komisioaren lehen informea sortu zen. Informe honek, gauzak beste era batera ikustea ahalbideratu zuen; tabuak hautsi ziren eta drogen inguruko gerrak frakasotzat hartu ziren. Drogei buruzko eztabaidei bide eman zitzaien. Hirugarrenari dagokionez, 2012an egin zen eta «Cumbre de las Américas» deitu zitzaion. Bilera hau oso esanguratsua izan zen, drogen trataera historian lehenengoz bileraren erdigunea izan baitzen. Ondoren datorrena, Estatu Amerikarren elkarteak burutu zuen, 2013ko maiatzean, eta drogen legalizazioa lehen aldiz posibilitate moduan eman zen. Azkenik, 2013ko abenduan Uruguaik Marihuana legalizatu zuen, lehen aldiz herrialde baten historian.
3.Zein da bideoaren helburua?
Bideo honek drogen politikei buruzko legeak aldatzea du helburu, eta alternatiba asko daudela erakutsi nahi du. Jendeari eta gobernuburuei ezagutarazi nahi die drogak debekatzea ez dela soluzioa, eta honen inguruko gerrak salatzen ditu, oso argi ikusten den bezala. Bigarren mailako helburu moduan, drogei buruzko irudia aldatzea du helburu.
4.Nori dago zuzenduta?
Nire ustez, bideo hau munduko estatu ezberdinei zuzenduta dago. Hauek dira drogen inguruko erabakiak hartzen dituztenak, eta hauek alda ditzaketenak. Erakundearen helburua legeak aldatzea da, beraz, aldatu ahal ditzatekenei zuzenduko diete kanpaina.
5.Zeintzuk dira bideoaren gai nagusiak?
Bideoko gai nagusienetako batzuk hauek izan daitezke: Drogak, noski; biolentzia; menpekotasuna eta honen ondorioak; drogen indarra; legeak eldatzeko beharra; legalizazioa, edota korrupzioa.
6.Teknikoki zein da bideoaren balorazioa: ulermena, argitasuna, erritmoa, edukiaren egokitasuna.
Niretzat, bideoaren balorazioa positiboa da. Ulerterraza da; bideoak istorio kronologiko bat kontatzen du. Drogei buruz ari dela, nik behintzat, nahiko goiz konturatu naiz. Drugoren inguruan jendea egoteko moduak eta keak hori eman dit ulertzera. Uste dut ez duela istorioan galtzeko aukerarik.
Argitasunari dagokionez, ulertzen da kanpaina honetatik zer atera nahi den; helburua, alegia.
Erritmoari buruz ere esan beharra daukat ondo eramaten den bideo bat dela; ez du aspertzen, eta ez doa bizkor ere.
Azkenik, edukia ondo antolatuta dagoela uste dut. Ez da erraza drogen gaia den bezalako zerbaiti buruz hitz egitea, eta metafora honen bidez oso ondo lortu zutela uste dut.
7.Nola baloratzen duzu bideoa?
Aurretik azaldu dudan moduan bideoa egokia iruditu zait. Argia, zehatza eta ulerterraza da, eta bere komunikazio helburua oso argi ematen du ezagutzera. Egitasmo hau aurrera eramateko ideia ona iruditu zait: originala, eramaterraza eta polita. Esan bezala, ez dut uste erraza denik honelako gai bati buruz publikoki hitz egitea, eta gainera publikoaren presioa kontutan hartuta. Ondo moldatu direla iruditu zait, niri gustatu zait.
8.Egitasmoaren testuingurua: politikoa, ekonomikoa eta soziala
1961ean droga mundu guztian debekatu zuen Nazio Batuen Erakundeak, horrela mundu guzti honen arazoa amaituko zelakoan. Horrek, ordea, gatazka areagotu zuen kaleko jendearen artean, eta horrek hainbat arazo ekarri zituzen: korrupzioa, biolentzia eta horrelako antzekoak. Horregatik erakunde asko debeku hori kentzen saiatu izan dira, eta ekimen horietako bat honako hau da. Drogaren gerrak amaitu nahi dituzte behin betiko.
Ekonomikoari dagokionez, gobernuek milioika euro (edo bertako dibisa) gastatzen dituzte drogen aurkako politiketan. Gainera, politika hauek ez dute emaitzarik ematen eta herritarrek zerga asko ordaintzen dituzte honen ondorioz. Emaitza eza erraz ikusi daiteke, milaka pertsona hiltzen baitira honen ondorioz munduan, beste hainbeste kartzelan sartzen dituzte edota drogen ondoriozko biolentzia jasaten dute. Guzti hau politika hauek aldatuz ekiditu daiteke, eta testuinguru honetan sortu zen egitasmo hau, gauza guzti hauek ekiditu ahal izateko. Testuinguru sozialari dagokionez, aurretik esandako honek balioko luke hau azaltzeko ere.
9.Aztertu zein den atzean dagoen komunikazio estrategia
Erakundeak bere mezua zabaltzeko euskarri batzuk erabiltzen ditu:
- Webgunea: Webgunea informazioa behar duen jendearentzat da. Nire ustez ez da oso erakargarria; ez diseinua eta ezta edukien kokapena ere. Berri gehienak ingelesez daude, eta letra oso txikia eta ulertzeko zaila da. Ez dago hizkuntza aldatzeko aukerarik, eta askotan horrek hizkuntza muga asko jarri ditzake. Bestela, ematen den informazioa nahiko jarraia eta ordenatua da, eta asko freskatzen da.
- Sare sozialak: Gaur egun mezu bat zabaltzeko erabiltzen den metodo ohikoena dira honako hauek. Erakunde honek Facebook, Twitter, Linkedin eta Youtube ditu bere mezua zabaltzeko. Gehien erabiltzen duten sarea Facebook da, seguruenetik interesatuta dagoen jendearen adin tarteak sare hau gehiago erabiltzen duelako. Twitter jende gazteak gehiago erabiltzen du nagusiagoek baino. 1200 jarraitzaile dituzte Youtuben, eta bertan 30 bideo dituzte. Bideo gehienak adituen mezuak dira, eta Drugoren kanpaina hau ere bertan dago, bideo ikusiena delarik.
10.Egin estrategia osoaren balorazio bat.
Ekimen hau aurrera ateratzeko erabili duten arma boteretsuena bideo hori izan dela iruditzen zait. Bestelako elementuak izkutatuta bezala izten ditu erakundeak, ez ditu hainbeste erakustera ematen. Gainera, edukiak ez daude hizkuntza askotan, eta nahita bideo asko hizkuntza ezberdinetan egon, ez dago bideo/albiste bera hizkuntza ezberdinetan, horregatik ez da publiko guztiarengana heltzen mezua.
Hala eta guztiz ere, uste dut bideoarekin oso ondo hedatu dutela transmititu nahi dutena. Hala ere, kanpaina honek ez zuen gauza handirik aldatzea lortu, droga politika berarekin jarraitzen baitugu ia mundu guztian. Bestelakoa (aurretik aipatutako euskarriak) hobetzeko moduak ere ikusten ditut: edukiak grafikoagoak eginda eta gehiago ordenatuta, adibidez.